Gneistaflug
Óli Gneisti Sóleyjarson
Efnisval Gneistaflugs er handahófskennt.Hlaðvarpið fjallar um það sem umsjónarmanni þáttarins, Óla Gneista, dettur í hug að tala um í einræðum sínum hverju sinni. En þeir sem þekkja Óla Gneista sem bloggara vita að sum þemu eru honum hugleikin.Það má því búast við reglulegum pistlum um samspil tækni og menningar. Þið getið treyst því að Óli tali um sjónvarpsþætti sem hann er að horfa á og bækurnar sem hann les. Það er ekki ólíklegt að hann tjái sig um stjórnmál, þó ekki í flokkspólitískum skilningi heldur út frá hugsjónum hans um mannréttindi og jafnrétti.Óli Gneisti Sóleyjarson er þjóðfræðingur, bókasafns- og upplýsingafræðingur, spilaútgefandi og margt fleira sem ekki tekur því að nefna.